Груевски со шокантна изјава за Заев: Ми се одмаздува, бидејќи 11 години од мене постојано добиваше…

Македонија

Денеска кривичниот суд одлучи судењето за случајот „Насилство во Центар“ на Специјалното јавно обвинителство да се одложи за 2 февруари.

Во овој предмет обвинети се 14 лица за поттикнување насилството што се случи при протестите пред Општина Центар во јуни 2013 година, меѓу кои и поранешниот лидер на ВМРО-ДПМНЕ, Никола Груевски, поранешниот министер за транспорт и врски, Миле Јанакиески, и пратеничката на ВМРО-ДПМНЕ, Даниела Рангелова.

На излегувањето од судот Груевски даде изјава за медиумите во која истакна дека судењата против него претставуваат непринципелна хајка и политичка одмазда.

„Ништо ново во однос на овие предмети кои Власта и СЈО ги туркаат. Ова е непринципелна хајка и политичка одмазда. Се измислија обвиненија без докази. Потоа нелегално стекнатите материјали станаа докази. Последниот чин беше да ги сменат и судиите. За разлика од овие судења, видовте што се случува со судењето на Заев каде што судијката му се извинува. Заев ми се одмаздува за 11 години порази“, изјави Груевски.

Инаку, главната расправа за „Насилство во Центар“ треба да почне од почеток бидејќи судијката Татјана Михајлова, која го судеше Груевски и другите обвинети, е прераспоредена во друг оддел на судот. На ова денеска се согласил и обвинителот од СЈО, Гаврил Бубевски.

Leave a Reply

Your email address will not be published. Required fields are marked *